Toseland eta Bayliss garaile 2007 Apirila 29
Posted by iromero in Lasterketak.add a comment
Superbikeko lehenengo lasterketan Toseland izan da nagusi Noriyuki Haga, Rubén Xaus eta Baylissen aurka borrokatu eta gero.
Haga hamabosgarren postutik ateratzen zen, eta hala ere bigarren bukatzea lortu du. Xausek bitartean azken aurreko biran Corserrek izan duen erorketa aprobetxatu du hirugarren postuan geratzeko.
Bigarren lasterketan Troy Bayliss izan da garaile James Toslandekin borrokatu eta gero. Oso gutxigatik irabazi du, argazkiagatik erabaki dute nor izan den mugara lehenengo iritsi dena.
Max Biaggi sailkapen orokorrean bigarren doa eta gaurko bigarren lasterketa honetan hirugarrena izan da.
Stoner lehenengo jartzen da sailkapen orokorrean 2007 Apirila 22
Posted by iromero in Lasterketak.1 comment so far
Gaur Casey Stoner bigarren ilaratik irteten zen, baina hori ez da arazoa izan hasieratik bere erritmoa azaltzeko eta garaile izateko. Garaipen honekin hogeita bost puntu lortu ditu eta sailkapen orokorrean berriro ere lehenengo izatea lortu du Valentinorekiko hamar puntuko aldea izanik.
Toni Elias hamargarren postutik irten da, baina oso irteera ona egin du eta beste pilotuak aurreratzen joan da bigarren postua lortu duen arte. Hirugarrena Loris Capirossi italiarra izan da.
Dani Pedrosak ez du zorte onik izan Turkian. Atzo “pole positiona” galdu zuen azken momentuan bere aurrean beste pilotu batzuekin topatu zelako, eta gaur istripu batean lurrera bota dute. Lehenengo bira bukatu baino lehen Olivier Jacquek pasatzeko tokirik ez zegoen tarte batetik igaro nahi zuen eta Pedrosa eta Edwards eraman ditu aurretik. Pedrosak golpe bat jaso du bularrean baina medikuek radiografia batzuk egin dizkiote eta ez dela ezer larria esan dute.
Valentino Rossi hasieran lehenengo zihoan, baina akats bat egin du eta pixkanaka-pixkanaka posizioak galtzen joan da hamargarren geratu den arte. Stonerrek Rossiren akatsa aprobetxatu du eta denen aurretik jarri da Elias geroz eta atzerago utziz.
Emaitzak hauek izan dira: Casey Stoner, Toni Elias, Loris Capirossi, Alex Barros, Marco Melandri, John Hopkins, Nicky Hayden, Randy De Puniet, Alex Hofmann, Valentino Rossi, Chris Vermeulen, Carlos Checa, Shinya Nakano, Makoto Tamada, Sylvain Guintoli eta Kenny Roberts JR.
Rossi eta Edwards azkarrenak 2007 Apirila 21
Posted by iromero in Entrenamenduak.add a comment
Biharko lasterketan Valentino Rossi irtengo da “pole positionetik”. Denbora bukatzeko hamar minutu falta zirenetik italiarrak denorarik onena zuen.
Inor ez da gai izan denbora hau jaisteko. Azken biran Dani Pedrosak denbora hobea lortu behar zuela zirudien, baina John Hopkinsekin topatu da eta honek oztopatu egin du bere postua salbatzen ari zenean. Azkenean hirugarren posizioa lortu du.
Bigarren denborarik onena Valentino Rossiren taldeko Colin Edwardsek egin du. Horrela, lehenengo lerroa Fiat Yamahako bi pilotuek eta Repsol Hondako Dani Pedrosak beteko dute.
Bigarren ilara Casey Stonerrek, Loris Capirossik eta Nicky Haydenek beteko dute orden honetan.
Hirugarren ilaran John Hopkins, Randy De Puniet eta Chris Vermeulen aterako dira.
Ondorengoak Toni Elias, Olivier Jacque, Shinya Nakano, Alex Barros, Marco Melandri, Makoto Tamada, Carlos Checa, Alex Hofmann, Kenny Roberts JR eta Sylvain Guintoli izan dira.
Turkiako lehen entrenamendu libreak 2007 Apirila 20
Posted by iromero in Entrenamenduak.1 comment so far
Gaur asteburu honetan motogp-n izango den lasterketarako entrenamendu libreak izan dira. Lasterketa Turkian izango da igandean.
Goizeko denborak ez dira oso azkarrak izan; izan ere, atzo gauean euriak busti egin baitzuen zirkuitua eta gaur goizean oraindik notatu egiten zen, gainera orain arte 800cc-ko motoek zirkuitu hau ez dute probatu.
GOIZEAN:
Azkarrena Fiat Yamahako Colin Edwards izan da. Edwardsek azken momentua aprobetxatu du denborarik onena egiteko. Ordura arte Rizla Suzukiko Chris Vermeulen eta John Hopkinsek zituzten denborarik onenak.
Dani Pedrosa (Repsol Honda) izan da laugarren denborarik onena lortu duena, Alex Hofmann eta Olivier Jacqueren aurretik.
Hurrengoak Loris Capirossi, Shinya Nakano eta Sylvain Guintoli izan dira.
Istripurik ikusgarrienetako bat Nakanorena izan da. Marco Melandri, Casey Stoner eta Randy De Puniet ere erori egin dira.
Valentino Rossik hamar bira besterik ez ditu egin eta denbora gehiena bere boxean pasatu du. Hamazazpigarren denbora egin du. 
ARRATXALDEAN:
Ducatiko pilotuak izan dira onenak arratxaldean. Denborarik onena Casey Stonerrek egin du, eta beragatik gertuena bere taldeko Loris Capirossi izan da. John Hopkins izan da hirugarren eta Valentino Rossi laugarren.
Hurrengoak Toni Elias, Olivier Jacque, Chris Vermeulen, Alex Hofmann, Dani Pedrosa eta Marco Melandri izan dira. Nicky Hayden hamalaugarrena izan da, Colin Edwards hamabosgarrena eta Carlos Checa hamaseigarrena.
Informazio gehiagorako klikatu hemen.
SBK 2007 Apirila 17
Posted by iromero in Lasterketak.add a comment
Dakizuen bezala asteburu honetan izan da superbikeko lasterketa Valentzian.
Superbiken bi lasterketa burutzen dira eta batazbesteko denborarik onena hartzen da kontuan.
Lehenengo lasterketan Rubén Xaus izan zen irabazlea. Irteera txarra izan zuen baina remontatzea lortu zuen. Bigarren postutik atera zen baina beste pilotu batekin ukitu eta hainbat posizio galdu zituen.
Xausek zirkuituko hamargarren kurba aukeratu zuen beste pilotuak aurreratzeko. Lehenengo Haga, gero Corser eta azkenik Troy Bayliss. Lau pilotuetako talde honetan aurreratze politak egon ziren. Ondoen atera zirenak Xaus eta Haga izan ziren. Zazpigarren biran Xaus lehenengo zen eta denborarik onenak egiten zituen behin eta berriz.
Bitartean, laugarren ilaratik ateratzen ziren Fonsi Nieto eta Carmelo Morales postuak irabazten zihoazen. Nietok zazpigarren izatea lortu zuen eta Moralesek hamaikagarren, baina erori eta lasterketatik kanpo geratu ziren. Nieto hamaikagarren biran, eta Morales hamahirugarrenean.
Eguneko bigarren lasterketan irabazlea James Toseland izan zen. Oso karrera polita izan zen eta azkeneko biran ere garaipenagatik borrokatu zuen Biaggi eta Hagarekin.
Haga eta Corser oso ondo atera ziren eta Baylissek eta Xausek posizio egokia bilatzen zuten Lanzi eta Toselanden erasopean. Laugarren biran Xausek Haga aurreratu zuen eta lehenengo posizioan kokatu zen. Baina Noriyuki Hagak ez zuen denbora asko behar izan aurrean agertzeko. Honen erritmoa Toselandek jarraitu zuen egokien.
Kaixo denoi 2007 Apirila 5
Posted by iromero in Berriak.add a comment
Hainbeste denboran nire bloga eguneratu gabe pasa eta gero, moto gp-z gain motorren beste lasterketa eta kategoria batzuez hitz egitea pentsatu dut.
Beti ere moto gp-z idatziko dut gehien, baina superbike gaian ere arituko naiz.
